向華強姪背後發功 Mi55天然胸殺入寫真戰
2011年07月08日
忽然一周
後：細佬向展威
前：大佬向展邦
7月尾的書展， o靚模寫真戰如箭在弦！今年殺出國產 o靚模外，亦有唔少新血加入戰圈，最新鮮滾熱辣的是 5人組合「 Mi55」。她們大 sell青春無添加，強調絕無整容隆胸。
此組合來頭絕不簡單，公司老闆為向華強兩個姪兒向展邦與向展威。除了有大水喉射住，更有向華強執掌的中國星電影公司做後盾。今次「 Mi55」先影寫真集打響頭炮，未來還密謀拍電影、出唱片，一條龍闖娛圈。
近年迅速在娛樂圈走紅的 o靚模，搵到盤滿缽滿，前景一片光明，周秀娜與 Angelababy有辦你睇。向氏家族後人向展邦與弟弟向展威，睇中 o靚模熱潮，實行自組模特兒公司銀。
模特兒公司開業半年，向氏兄弟吸納了 40多位 o靚模，打響頭炮的是 5人少女組合「 Mi55」。「依家模特兒界咁 hit，但我哋想試新嘢，加上我哋又好鍾意日本風，想走 tokyo girls方向。希望我哋嘅 models唔係淨係宅男鍾意，連香港女性都接受。」向展邦說。
向氏兄弟事事跟到足，拍攝當日 models由訪問到影相，二人亦跟足全程，甚至主動提議睇 playback。
$48睇五條女
「 Mi55」的寫真暫推出五千本，書展優惠價$48一本，實行薄利多銷。
寫真率先睇
今年才滿 18歲的 Vivian，由母親搭路入行，她說：「我媽咪好開通，係佢推薦我入行，佢話趁青春留倩影。」
組合中最高䠷的 Jumbo有五呎八吋高，之前為業餘 model，着起 bikini擺甫士絕無怯場。
「 Mi55」的寫真集於香港取景，除了向氏兄弟碌友情牌，借友人遊艇影的水着 look外，還有純情校服造型。
賣健康性感
去年寫真熱潮，��模鬥到你死我活，突圍方式層出不窮。今年面對大量競爭對手，向展邦依然信心十足，落足嘴頭向記者勁 sell︰「我哋嘅 models係純天然冇加工嘅青春女仔，個個都有自己嘅樣貌個性，鄰家女孩 feel好易入到屋，工作就自然會搵上門。我哋有免費 training俾模特兒，好似有演戲、唱歌方面，佢哋以組合形式演出。」
豐滿上圍是��模的重要武器，有些為了出位，影寫真時更索性齋影器官，向展威則有另一番見解，「我哋冇話要遮住佢，只不過係自自然然咁去騷，感覺健康啲。唔可以連樣都唔睇，淨係睇某一部分嘅。」
Mi55夠嫩口
五位成員身材全天然， A至 C cup應有盡有，而且成員中年紀最大都只得 22歲，有排玩。
隊長麥家朗（ Olivia）
32B． 22． 32.5 22歲
曾寶（ Jumbo）
33C． 24． 35 19歲
周伊婷（ Easter）
31A． 23． 32.5 22歲
譚雅元（ Cherrie）
32B． 24． 33 21歲
羅彩玲（ Vivian）
32C． 22.5． 33 17歲
睇鼻辨真胸
向展邦的揀女準則非常嚴謹，每次定必親自到場試鏡，他說︰「至今我哋 in過二百幾個女仔，揀嘅準則係女仔唔好太高大，要好似日本 tokyo girls咁，感覺親切。樣固然要甜啦，睇落要善良乖巧， sincere亦好緊要。」
近年整容隆胸成風，不過閱女無數的向氏兄弟就有獨門心得，向展邦更自爆單憑肉眼就可分辨胸部真假，「我研究相學 5年，女仔有冇整容我一望就知。（身材都睇得出嗎？）身材都知 o架，例如個鼻哥咁細，邊有咁好身材。」他更強調 casting時，絕對不會要求��模全裸，「有着衫 o架，唔會要佢哋唔着衫俾我哋睇一次先，冇呢啲嘢，我哋好正經。」向鬼馬地說。
��模嚴守紀律
去年 11月，向氏兄弟模特兒公司開幕，向華強帶埋向佐與旗下藝人一同撐場。
阿哥研究相學，細佬則認為��模最緊要有紀律，向展威認真說︰「喺我心目中，我對靚唔靚就冇我哥哥咁有眼光。我覺得最緊要係 discipline，我哋嘅 models一定唔可以遲到。形象都要好好，如果有咩行差踏錯，我哋會即時同佢解約。」
阿叔向華強是上市公司主席，兩位姪兒亦不敢怠慢︰「家族壓力一定有，如果要同兩個咁頂班嘅阿叔比，我哋真係望塵莫及，不過佢哋好幫手。向華勝先生教我做呢行要同好多廣告公司聯繫，但之前要先做好手頭上班 models先得。我哋同向華強叔叔 close少少，佢成日上嚟公司同我哋開會，指點我哋。不過做邊行都係執住勤力宗旨去做，力不到不為財，好多嘢我哋都落手落腳做，唔會靠人。」
有中國星背後支持，旗下 models唔憂冇戲拍，向展邦亦承認︰「冇嘢係絕對，不過大家有聯繫，拍電影嘅機會比其他人高。」難怪「 Mi55」異口同聲擦兩位老闆鞋說：「有佢哋睇住實掂！」
爭住露
今年書展寫真女王周秀娜唔玩，大堆��模爭住上位，當中除了周秀娜兩位師妹，更有不少以組合形式出擊，看來她們於本月 20日的書展中有排鬥。
雙 E出擊
「爆 E超連」鍾采羲，孖住「混血 E神」林宜芝專登到上海拍攝寫真，實行以雙 E出擊。
人多取勝
「 Donut」聯同「 Fanstasy」兩隊合共 10個女仔推出寫真，以人多取勝，寫真大玩五行元素。
寸爆出位
周秀娜師妹何佩瑜（ Jeana），寫真大賣靚股，最近更出埋口術，靠寸其他��模上位。
大玩純情
余曉彤（ Hidy）同屬周秀娜師妹，首次出個人寫真的她，到隱世天靈島取景，賣少女純情。
騷岩石胸
遠赴上海影寫真的趙碩之，一如以往以騷盡迫爆上圍，岩石胸無所遁形，今次還以超激短髮示人。