史上最寸 o靚模 Jeana:我使鬧人先紅?!
2011年07月06日
Face
Jeana喺塞班島第二日就在當地一間高爾夫球 resort拍呢輯半裸照，佢話：「 CK（攝影師）一路影一路播 Norah Jones嘅歌，感覺好正，不過都好彩出面無人打 golf咋！如果唔係唔知點影！」
o靚模寫真大戰進入最後直路，今年國產咪神全部脫腳，潘霜霜嫌 cheap玩嘢唔出，張馨予要拍電影《河東獅吼 2》，寫真要延期。剩番 Jeana（何佩瑜）同 DaDa（陳靜）大戰。
今年以 Chrissie師妹之名出戰嘅 Jeana，單飛後除性感亦以寸嘴見稱，上週接受本刊訪問時，更寸盡所有寫真對手，嘲趙碩之岩石胸，話 DaDa牙肉大，更笑傅穎老。問佢寸人博上位，佢口快快說：「我使鬧人先紅?!」
又抵佢牙擦，事關 Jeana今年本寫真意識大膽，本刊率先披露最激一張獨家開股， Jeana僅以單手遮胸， 33D南北半球，極之誘惑。宅男畀錢買啦！
22歲 Jeana今年甩新 8模之名單飛出寫真，由 16歲開始以 Pui Pui之名做模，到上年參加新 8模成為 Chrissie師妹，捱咗 5年多終有機上位， 7月中出處女寫真《 The Cexy Grandmaster》，連書名都寸過人，性感一代宗師。除水着例牌動作外， Jeana亦有多個造型，玩 SM夜總會 feel典床等。不過數到最性感一定係半裸， Jeana話：「除咗露點外，基本上幾性感都得！但一定要靚！」
Jeana寫真《 The Cexy Grandmaster》，食住王家衞《一代宗師》個朵。仲話會搞寫真擂台等人挑機，果然係史上最寸 o靚模！
除半裸外， Jeana今次寫真仲會有 SM同綑綁造型登場，絕對唔只拋胸咁簡單。
逐個寸
今年 4月 Jeana首次宣傳寫真時暗寸師姐 Chrissie老，之後一有機會曝光就狂寸師姐，營造寸嘴形象。《蘋果日報》圖片
爆乳 Jeana原來第一次影半裸，所以拍攝前亦罕有地要求清場，佢話：「上面靠自己手遮，但最難搞係遮下面，成日驚打底褲走位！」因花時間防走光，這輯半裸激照，影足 3小時。
寫真戰唔只鬥靚相，仲要鬥氣勢，上週四（ 30日） Jeana接受本刊訪問，過程中不失牙擦本色，狂寸其他對手。 DaDa、趙碩之、傅穎和張馨予一個不留逐個寸。 Jeana話：「我覺得睇 DaDa本寫真會好忙吓，唔知睇牙肉定身材好……睇到好多八字……（趙碩之呢？）我對岩石冇興趣……傅穎呀……我對前輩 嘅前輩真係唔係好了解！」周圍辣火頭， Jeana坦言預 咗冇朋友，佢話：「我有好多好朋友，但大家都係識於微時 嘅，喺呢一行好難有朋友。 8模入面傾得埋 嘅得 Suki同 Hidy囉！」朋友唔多勝在親情搭夠， Jeana訪問時就堅持下午三點要離開去陪弟弟睇牙。佢話：「爸爸做中港物流生意、媽媽係家庭主婦、細佬讀緊小學二年班，媽咪都有擔心我講嘢咁直，怕唔怕？我話唔使驚！」
寸開有癮
否認隆胸
Jeana寸勻每個對手，而對於被網友圍攻話佢整容、隆胸， Jeana亦有回應：「我覺得自己個（胸）手感係好 soft……自己化妝技術好 啫……呢個世界有眼影、眼線、鼻影……」
俾人質疑「變形金剛」， Jeana依然懶理，仲話自己唔係貪慕虛榮，佢話：「我日日咁辛苦做 嘢，同貪慕虛榮冇乜關係喎！如果係，我應該走去買名牌同旅行啦！咁大家見我幾樸素就知啦！」
Jeana拍攝呢輯半裸照時，表示最麻煩係防上下走光，仲要勞煩助手幫手先遮到。
Jeana入 GME前已同前無 綫監製錢國偉稔熟，當年仲有份參與《美女廚房》，當時 Jeana仲叫 Pui Pui，今年 Jeana單飛，錢國偉繼續力撐，仲搵佢做《喜愛夜蒲》女主角。
反擊網友疑團
假波
“佢又知係假？佢掂過喇咩？我覺得自己個手感係好 soft，我覺得自己視覺上同觸覺上都好滿意。掂過嘅人先可以評論……（有冇整容呢？）我覺得自己化妝技術好咗好多……呢個世界有鼻影、眼線、眼影……如果要追究，大家攞啲八、九歲嘅相比較吓，同一張自己化咗妝嘅比較，我都驚佢哋認唔到自己。”
冇眉
“ Jeana冇眉相喺討論區瘋傳， Jeana話：「我眼眉毛比較疏、淺色，同埋我修得好幼。」而 Jeana之後亦喺電話補充，「張相係為一個妝前妝後嘅 job而影，所以，唉，真係失策，以後都會打番少少底！」”
擂台挑機
上年新 8模焦點係 Mia， Jeana就算係大合照，都係企埋一邊，同今日單飛周圍辣，好大分別。
仲有兩星期， Jeana寫真就會推出，經理人 Roy話會有海陸空宣傳攻勢， Roy話：「今年寫真格局好悶，我哋會搞個好似宣戰 嘅記者會，到時向今年出寫真 嘅各 o靚模宣戰！」
向人宣戰咁寸， Jeana亦好有信心，佢話：「海陸空好似打仗嘅意思，即係好似寫真擂台咁……希望多啲參與，唔似我哋國內啲同胞咁，都未開始就已經唔知去晒邊。（係咪要寸人先上位？）唓！我又唔覺得我要靠寸人先上到位，我又唔係嫩版查小欣，係咪先？即係我唔覺得我鬧人先紅到囉。」
對於師姐 Chrissie， Jeana亦咬住唔放，仲話師姐已經俾人睇厭，佢話：「佢出得太密喇！我對佢有少少厭囉！」咁沙塵，真係要睇吓你本寫真有幾勁喇！
Mia出番嚟
因為父親患癌休養半年，雖未曾完全康復，但 Mia已急着出 嚟賺錢，近兩次出席公開活動，都盡露事業線：「冇辦法啦，呢排復出梗係搏命搶鏡，同埋部戲係排球，唧番自己個波出嚟。」
Jeana講仔：
Jeana雖然係新人，但拍戲相當搏，底線亦愈嚟愈低，擔正嘅《喜愛夜蒲》同客串嘅《人約離婚後》都有超激場面。 Jeana話：「未 set任何底線，我會因應劇本再去諗，《肉蒲團》嗰啲暫時未諗！」
“方力申係一個好大汗嘅男仔，成個人都大汗。”
Jeana喺《人約離婚後》同方力申有激吻戲，仲在鏡頭前解 bra，被方力申錫胸。雖然只係客串，但仲搶過主角佘詩曼。
“當時有尷尬！因為當時得我、方力申、導演、攝影師 4個人就舒服啲，但出面啲人聽到我係咁嗌，出到嚟成班對住我笑笑口……尤其係除 bra，要靠大家貼住， hold住費事 bra甩。”
《喜愛夜蒲》係 Jeana第一套擔正電影，同對手陳柏宇有激烈床戲， Jeana要半裸上陣。
“其實我嗰日飲咗少少酒，唔係好記得（佢有冇摸胸）哈哈！”
“ Jason（陳柏宇）係怕醜嘅男仔，見到佢啲眼神好怕醜，搞到我都好想笑。”
幕後軍師
Jeana經理人 Roy：教佢講嘢中 point。
Jeana經理人阿 Roy鄺君賢，之前成功將周秀娜打造成宅男女神，今年重點力谷 Jeana接棒，由上年新 8模鵪鶉唔出聲，到今年變是非精周圍辣。成個人唔同晒，完全精心部署。阿 Roy話：「 Jeana係一個好有鬥心 嘅女仔，一入 嚟新 8模，佢已經同我講要單飛，但當時未係時候，到今年我 哋谷佢，佢本身講 嘢好直，我想突出呢方面性格，教佢講 嘢修飾 啲，中 point啲，所以變 咗嵋家寸嘴形象，不過我會叫佢再修飾吓 o架喇！
《壹週刊》圖片
阿 Roy話今年幫 Jeana搞海陸空宣傳寫真，佢死口都唔講「空」係乜，只係叫大家留意書展嗰日，懶神秘！