夜蒲男多女擒 陳柏宇：我做足安全措施
2011年07月06日
Face
為宣傳新碟《 Quinquennium》，陳柏宇和師弟林奕匡前週六到旺角行人專用區玩「快閃」，突然現身合唱了一首〈無限〉便即閃。雖然幾分鐘但已吸引到十幾個女 fans包圍，追住 Jason狂影相兼尖叫「我愛你」、「唔好走呀！」， Jason果然多女擒！
陳柏宇（ Jason）剛拍完電影《喜愛夜蒲》，同 Chrissie師妹 Jeana（何佩瑜）有場激烈床上兼摸胸戲，蒲仔形象上晒身，動 L王升呢變溝女王。
做得夜蒲男，陳柏宇直認去夜店多女埋身，好在動 L仔唔濫交，更自認好識尊重女友：「我做足安全措施 o架！」
玩得安心，食得開心呀！
上星期陳柏宇的新歌加精選大碟《 Quinquennium》面世，繼續用煞食情歌冧 fans，不過拍戲就變身夜蒲男，接激戲《喜愛夜蒲》。陳柏宇仲話其實自己好多蒲吧經驗，「我經常同朋友落 bar飲酒，成日有女仔埋嚟撩我傾偈，問我攞電話、微博、 facebook o架，但我都會拒絕，落吧唔係想識女仔嘅！我都俾人話我花弗，我唔想似周柏豪 o架！」
在《喜愛夜蒲》中飾演夜場經理的 Jason，受唔住 Jeana誘惑，即上酒店房激戰， Jason要從後擁抱半裸的 Jeana和床上壓胸，但 Jason竟然話女神唔係佢杯茶， 料！
前度有餡
咁多女擒點會唔心郁？ Jason就話亂搞男女關係太恐怖，以前拍拖被女友 hurt過：「以前有個女友識咗第二個男仔，仲搞大咗佢個肚，我梗係分手啦！（有冇懷疑個 BB係你 o架？）唔會嘅，我好尊重女朋友，我做足安全措施 o架！」
Jason更自爆最近睇中一位圈外女仔：「佢眼大大、細細粒，幾靚 o架！但唔知佢覺得我點呢？」前度 case咁鬼似楊思琦疑似有餡事件，陳柏宇可以同豪仔分享吓喎！
J神講女
陳柏宇俾女溝得多，對女自然亦有獨特見解，以為佢實揀 sexy到爆嘅 Jeana優質選，點知曾愷玹原來先啱嘴形。
扮裕美冇拖過
《蘋果日報》圖片
08年被指跟裕美同居，更被拍到同車返回西環住所，不過陳柏宇話：「我 哋由頭到尾都係 friend，家仲有聯絡，雖然裕美有一排冇 嘢做，我仲會關心佢 嘅。」
讚曾愷玹嗲聲
「佢把聲好嗲，同佢傾偈零舍開心 o架！可能台灣人又熱情 啲、冇咁拘謹，我見到佢都會投入 啲。」
嫌 Jeana sexy
「 Jeana好靚好性感， 喺我拍拖經驗入面冇一個咁養眼，我好欣賞佢 嘅身材 o架，但唔係我喜歡 嗰類型，我好怕女朋友俾人睇蝕晒， 着短裙我都唔鍾意 o架！」