吳克羣同車放料 超蓮：我真係有追吳尊
2011年08月10日
Face
自稱唔再追星嘅超蓮，週日（ 7日）於南灣沙灘，展示修長美腿同亭亭玉立身形，原來已經 20歲大個女啦！
又靚又聽話，深得賭王歡心嘅三房千金何超蓮，前週五喺台北被影到由肌男吳克羣揸住「大 黄蜂」雪佛蘭戰車，載上陽明山睇夜景，竟然途中被記者撞到正，超蓮仲驚到耷低頭，匿落車廂內， FBI都戥佢狼狽。
超蓮去到台北都被記者發現， FBI收到風，有傳係吳克羣一早放料畀班台灣狗仔隊，所以即使去到偏僻嘅陽明山都一樣被發現。皇帝女雖然疑似被出賣，依然無損心情，上週六（ 6日） FBI撞到佢先同班 friend一齊去旺角茶聚兼 shopping，夜晚就一家人同賭王老豆去 Ritz Carlton晚飯直落。週日下午更大解放，約理班好姊妹一齊去南灣同陽光玩遊戲。
追到澳門
3年前，飛輪海出席澳門回歸九周年大匯演，超蓮亦有到場為吳尊打氣，好神心。
當超蓮曬完太陽後， FBI趁機直問超蓮被影到同吳克羣點解咁避忌，佢笑住解釋：「同佢（吳克羣）本身只係朋友，去台灣唔 expect有記者，所以耷低頭係我嘅本能反應。」提到超蓮出名追星，佢就不忿話：「追星呢樣嘢十幾歲就會去做，吳尊我真係有追，其他真係冇。我都 20歲，唔會再追啦，希望唔好再話我追星啦！」千金仲話揀男友最緊要專一，台灣之行咁易俾人影到，超蓮下次真係要嚴選對手先得喇！
超蓮上年已上載吳克羣晒肌相上自己微博，仲讚佢大隻。
迷足一年
前週五，吳克羣載超蓮去陽明山睇夜景途中，見到記者即面露懼色；坐喺旁邊嘅超蓮，仲嚇到匿喺車廂內。
上山斷正
上週六（ 6日），超蓮同班 friend去完朗豪坊，再踩埋落附近嘅瓊華中心睇玩具，仲睇得好入神。
認追吳尊
當記者上前問超蓮同吳克羣拍拖時，佢就笑住話同吳克羣只係朋友，家 20歲唔追星，咁耐只係追過吳尊。
出名愛追星嘅超蓮，平時出街都有班 friend跟出跟入，當日去沙灘更有班好姊妹護駕，連汽水都有人幫佢開埋，真係好服侍。
博晒比堅尼
月頭超蓮去台灣時，曾約埋台灣女星吳辰君（左）一齊去沙灘晒比堅尼，仲將泳衣照放上微博任睇唔嬲。