上海偷食有咗 楊思琦半年唔畀豪仔掂
2011年07月06日
Face
1/7 默認有喜
上週五（ 1日）傳懷有身孕的楊思琦駕車同媽媽抵達尖沙咀後分道揚鑣，面容憔悴兼額頭爆瘡的思琦匆匆走到加連威老道，全程封嘴唔回應懷孕傳聞，直接走入太興商業大廈，該大廈有中醫師和美容院。
一直同男友李泳豪有情飲水飽的楊思琦，早前忽然自爆同男友九年情玩完，人人打個突。思琦自爆分手後，有傳她暗交北京富商 Andy Ng，甚至有餡兩個月成了分手導火線。
但據知楊思琦跟李泳豪感情早已轉淡，近年忙於回內地拍劇與男友聚少離多，即使在港二人近半年亦冇乜「行埋」。情夫乘虛而入成功「入侵」，思琦妹家陣連餡都有埋，唔分手仲邊有得揀？
一向形象清純兼慳家的 33歲楊思琦，有傳因為一個「男人唔可以接受嘅理由」，而跟相戀 9年的 31歲李泳豪分手，更被踢爆暗交北京富商 Andy Ng，又有傳珠胎暗結兩個月，慳妹見異思遷變貪錢港女。
最後甜蜜
李泳豪 5月 19日牛一，楊思琦陪他吃火鍋慶生，李泳豪還將照片放上微博晒恩愛，估唔到事隔一個月思琦便提出分手。
分手飲泣
李泳豪早前揚言年底會與思琦結婚，被飛後傷心得接受訪問時泣不成聲。 31歲仔，堅強啲啦！
內地撻着
消息指楊思琦和 Andy Ng是瑪利諾神父教會中學同學，青梅竹馬感情深厚，但本刊翻查過該校校刊，發現思琦的同學中並冇吳姓同學，而知情人士透露，思琦跟 Andy Ng其實並非同校。
「佢哋點識就唔知，不過肯定唔係同學，上年思琦返內地拍劇，先撞番 Andy！ Andy真係出盡力追佢，當時思琦同朋友講，喺上海拍劇好悶，可能咁易啲動心啦。其實佢同豪仔近年感情都好淡，不過一直都唔敢提出，因為驚豪仔接受唔到喎。」
上海密會
思琦去年在上海拍攝內地劇《歲月驕陽》時，與同劇內地男主角合照時甚為風騷，據知重遇 Andy後，思琦拍劇之餘，與 Andy朝夕相對。
翻查思琦就讀的瑪利諾神父教會中學校刊，照片中找到楊思琦（紅圈），卻沒有吳姓譯音的同學，兩人並非傳言中的中學同學。
思琦於 02年拍攝《血薦軒轅》時墮馬受傷，李泳豪急忙送她入院， 2人因而撻着， 9年來一直鮮有緋聞。
李泳豪月薪得 8千卻沉迷玩飄移賽車，據知情人士說：「思琦其實唔介意佢賽車，有時都會去睇佢比賽，不過成班人夾錢食飯，通常係思琦主動幫豪仔畀埋。」
身為第三者的 Andy Ng，在微博化名 cthk118，用熊公仔代替大頭照，李泳豪都有關注他， Andy更大膽地在思琦的微博中留曖昧留言。
嫌性感
思琦出席完日本餐廳剪綵，低胸裙照放上微博， Andy又發言：「最不喜歡的衣服。」不滿思琦穿得太性感。
出口術
思琦放了媽媽煮的薑葱蠔照片上微博， Andy即說回港一定要試試，實行外母政策。
勁關心
上月 13日，已懷兩個月身孕的思琦在微博放了一張吃完杯麵的相， Andy即留言「你還有很重要的任務呢！切記！」非常關心思琦的健康。
屋邨舊居未交還
楊思琦自幼在石硤尾大坑西 邨長大，雖然後來搬到九龍塘義本道的涵碧別墅與李泳豪一家同居，之後又搬入去年 10月以 652萬買入的清水灣半島 1,500呎新居，但慳妹思琦仍然保留住大坑西 邨的廉租屋單位。根據思琦所持有的富多有限公司在最新的註冊登記證中，申報單位依然是大坑西 邨。
記者上週六（ 2日）去過大坑西 邨該單位，並冇人應門，門外的電視天線已剪掉，地主牌只留有舊香燭腳，屋內似冇人居住。而鄰居劉女士表示楊思琦的父母本來在該單位居住，但數月前已搬走，現在只間中見一名男子回來小住。思琦全家搬走但仍唔交出廉租屋，可能當留條後路都未定。
楊思琦所持有的富多有限公司，所申報單位仍然是大坑西 邨，而非最新購入的清水灣半島。
思琦爸爸媽媽早前仍在大坑西邨居住，直至思琦購入清水灣半島單位後才搬走。
鄰居劉女士指已有幾個月沒見過思琦父母出現。
半年冇性
3個月前，思琦更搬返將軍澳清水灣半島的自置物業跟家人同住，知情人士續說：「泳豪有向朋友呻過話思琦近呢半年好古怪，就算思琦返到香港，都搵藉口唔畀佢掂，可能思琦覺得對唔住男友，所以三個月前索性搬走埋，驚成日對住豪仔難受囉！」
其實豪仔自己亦聞到味，曾四度向思琦妹求婚想箍煲，可惜思琦同 Andy已經愈行愈埋，思琦搬離李家，李泳豪也覺得唔對路，他亦承認：「自從佢搬走咗，我就唔知佢諗乜！唔知係咪受人影響，定聽到乜嘢說話。」上月思琦證實自己有餡後，終的起心肝斬舊愛，豪仔都係死心罷啦！
全家輪住鬧
早在「思豪戀」醞釀分手前，思琦家與豪仔家已展開隔空對罵，豪爸李家鼎更大鬧思琦媽「乜都唔識」。家陣二人正式分手，李泳豪演藝世家又輪住開火，反而思琦妹就冇乜人撐，下下硬食其實都幾辛苦。
思琦陣營：
思琦媽：我對佢（泳豪） no comment！
二人分手前記者向思琦媽求證婚訊時，思琦媽大潑冷水：「未有咁快，佢 哋未計劃住！」問到她對豪仔為人點睇，她耍手擰頭說：「我對佢 no comment！」
《忽然 1周》圖片
思琦間中以性感裝束式泳衣出席活動，已令豪仔非常不滿，思琦為遷就他推掉了不少搵錢機會。
李家鼎：我哋拍《拳王》，佢（思琦）都有同我哋食飯黐線 o架。《蘋果日報》圖片
豪仔陣營：
豪爸李家鼎反駁思琦媽：「嘩大佬，我唔係幫我個仔呀，豪仔咁錫佢個女！次次有乜 嘢事，思琦都衝埋我呢度，佢老母乜都唔識 o架！」
有傳豪仔向大孖李泳漢傾訴心事時收到思琦短訊，內容是「我仍很愛你、很掛念你」大孖即鬧：「都唔知佢咩心態，希望佢唔好再傳咁 嘅短訊畀我細佬。」
施明：我只知豪仔好傷心、好痛，做阿媽呢刻梗係顧住個仔。
大孖李泳漢：都唔知佢咩心態！