爆談判 3 辣招 栢芝獨霸兩子趕霆鋒
2011年07月13日
Face
霆鋒回港翌日，即到中環為 Oris手表拍廣告，由朝早七點忙到天黑先收工，其間見記者採訪，仲大聲叫記者:「小心 啲呀！你 哋！」
霆鋒芝婚變，回港正面交鋒。上週五（ 8日）兩人決戰陽明山莊，有指霆鋒在陽明山莊逗留 90分鐘與栢芝零交流，實情芝對霆鋒當自己透明相當火滾，曾將室內無線電話掟落霆鋒身上發洩，更對霆鋒爆粗。
5年婚姻關係無可挽救，據知栢芝雖已收到霆鋒離婚協議書，但卻未肯就範，還透過代表律師，向霆鋒開出超辣條件還擊，包括每月 6百萬贍養費， PO製作公司擁有權、同埋要獨攬兩子 Lucas和 Quintus的撫養權，身為老豆的霆鋒，只可每月見兩個仔一次。嘩！辣成咁，芝真係河東獅上晒身喎！
鋒芝婚變擾攘近兩個月，上週五（ 8日）二人先後回港，在陽明山莊決戰 90分鐘，雖然報道指霆鋒在會面期間全程冇理會過芝，只與兩個仔 Lucas（謝振軒）和 Quintus（謝振南）玩。但實情芝當日對霆鋒態度冷漠，言行相當決絕。
•每月見仔一次
•月畀 600萬贍養費
•吞埋億元製作公司 PO
玩×大佢囉！
據知情者說：「芝開咗門畀霆鋒入嚟之後，自己就閂埋房門猛咁講電話，霆鋒就顧住陪兩個乖仔，之後栢芝怒氣沖沖走出房門，更一手將個室內無線電話掟落霆鋒身邊，發晒脾氣話：『你咪唔好×出聲囉！齊齊玩×大佢囉！』」
其實芝心知挽救婚姻無望，現階段全力爭取兩子撫養權同吼實霆鋒身家。為爭撫養權，慈母形象好緊要，週一（ 11日）經理人 Emily在微博叫栢芝「加油！」，更說栢芝今年內不會再接新戲；好友 Andygaga微博亦幫栢芝打造成「十孝媽媽」。
芝一方面打造慈母形象、另一方面就瞄準霆鋒家產。據知上週決戰陽明山莊當日，芝透過代表律師同霆鋒代表律師交涉，更開出超辣條件，包括 PO後期製作公司所有股份；每個月 6百萬贍養費，以及 Lucas、 Quintus撫養權，而霆鋒只能每個月見兩個仔一次。
今年 3月栢芝喺南灣道揸車撞倒 68歲清潔工人，事後只交由女助手跟進，隔日栢芝上有線接受訪問講感受。而週日（ 10日）拉姑接受報章電話訪問，就話當日栢芝撞車冇霆鋒在身邊，就注定兩個冇得掹喎，有冇咁神奇呀？
芝同霆鋒離婚，兩個仔 嘅撫養權成為雙方爭奪關鍵，而 Lucas和 Quintus暫時住喺陽明山莊。
叠水契爺
網上圖片
芝現忙拍《河東獅吼 2》，上週六（ 9日）更抽空到深圳彭年酒店內的旋轉餐廳同全國政協委員陳玉書舉行上契儀式，席間仲有栢芝父親鬍鬚勇。陳玉書靠經營景泰藍陶瓷起家，同時經營貿易、地產、工業和娛樂事業，水頭充足。
懶理栢芝
霆鋒去到陽明山莊，全程冇理過栢芝，只係同 Lucas及 Quintus玩，冇癮栢芝惟有返入房。
怒掟霆鋒
對於霆鋒嘅冷淡，栢芝忍無可忍，終於攞起無線電話掟落謝霆鋒度，仲爆粗鬧佢，嚇到在場的四哥同助手表哥都呆咗！
霆鋒現以月租 12萬，暫住金鐘舍 service apartment，本週一（ 11日）先到 PO逗留大約個半鐘，之後仲去到陽明山莊探兩個仔。
上週五（ 8日）霆鋒拍完《逆戰》回港，除了去陽明山莊同芝決戰外，亦返到 PO同代表律師會面，據知霆鋒同叢培崑用相同律師團。《蘋果日報》圖片
PO最值錢
PO後期製作公司，除在香港坐穩後期製作龍頭外，家 喺國內發展亦迅速，將來亦係霆鋒 嘅靠山，而芝對全面控制 PO呢個條件相當有信心。「因為 PO初期有幾單交易，係用芝銀行戶口進行。加上最初係栢芝叫霆鋒開公司嘅，佢覺得 PO成功絕對關自己事，仲試過 喺公司 瞓 咗 2日，實霆鋒 PO舉動，霸住晒，當正自己公司咁。」
對於超辣條件，霆鋒只係等律師應變，要真正簽字有排搞。而本週一（ 11日）霆鋒下午兩點先到 P O公司，逗留個半鐘後，就坐保母車直駛陽明山莊探兩個仔，對記者追訪 chok住微笑。
肥豬肉
PO朝霆後期製作公司係霆鋒最賺錢嘅資產，難怪被栢芝中。
謝霆鋒除幕前演出外， 03年就同拍檔楊文傑（下圖）合資製作公司 PO朝霆，主要從事電影、電視廣告後期製作，包括音效、音樂、混音、調色等，家已屬行內第一，員工有近 2百人，每年幾千萬收入，近年仲打入國內賺人仔，絕對好過拍戲。芝對呢個肥豬肉梗係到實。