突襲書展 DaDa扮大 黄蜂：踩低啲怪獸
2011年07月13日
Face
綺夢女神
DaDa今年單飛出寫真《 Motion in Shanghai 2011》，以女神入夢做主題，去上海拍攝 5日，造型包括《愛麗絲夢遊仙境》中嘅愛麗絲、夢中女神、旗袍淑女、飲奶毒死純女等天馬行空造型。話晒係綺夢女神，唔少得女神着內衣性感造型，戴頭箍 DaDa一臉純情款，手拎吊帶遮胸，露出成個玉背和半球，全書 128頁，售$118。
下週 720寫真書戰正式埋牙，鑑於貿發局嚴禁 o靚模入內開簽名會，一眾出書 o靚模罷入紙申請，改為自設簽名會。最寸 o靚模 Jeana大口氣，話要玩盡海陸空，擺寫真擂台挑戰，百果園咪神 DaDa見死敵有行動，一於食住 hit爆《變形金剛》條橋，扮演博派大 黄蜂突襲書展，仲句句有骨話：「啲人咁鍾意《變形金剛》，咪等我出手踩低啲怪獸囉！」用口仲想郁手喎！
玩《變形金剛》橋
一年一度寫真書戰， o靚模鬥噴血寫真誘宅男，乳模 Chrissie（周秀娜）升呢封胸轉出 app，鬥胸任務交畀寸嘴師妹 Jeana（何佩瑜）和同門姊妹 Hidy（余曉彤），加上國產話題模吳卓羲女友張馨予及傳和大 S新婚丈夫汪小菲有段情的呂婉柔，今年書展中港大戰。
暴乳踩場
勁敵連串寫真造勢，誓奪寫真女王的 22歲 DaDa亦不甘示弱，首次單飛去上海拍攝個人寫真集《 Motion in Shanghai 2011》嘅 DaDa，原來正密謀出招突襲書展，仲玩 hit爆電影《變形金剛》條橋。 DaDa話：「其實諗緊啲新招，可能會搵幾個女仔同我衣着打扮差唔多嘅混入去，而最近好興《變形金剛》，好想喺書展時間，扮呢個大 黄蜂，正派嘅大 黄蜂，等我出嚟可以踩低啲怪獸……（點打扮？）一定係 黄色啦！最終造型會保密先，以搶眼為主，吸引男 fans之餘，今次本書以造型為主，希望吸引埋女粉絲添！」嘩，暴乳大 黄蜂又真係未見過，好高招喎！
被 DaDa暗寸係「變形金剛」， Jeana不怒反笑：「變形金剛好呀！家咁 hit，嚟緊 17號我個寫真擂台仲會邀請 DaDa去添，到時佢唔嚟，我搵埋麥加登（狂派首領）去捉佢嚟，哈哈！」使唔使咁入戲呀！
引死宅男
DaDa寫真以綺夢女神為主題，點到即止， DaDa着上 corset露出 4吋事業線引死宅男。
清純奶妹
寫真集中， DaDa除剝衫露 34E外，仲有多個清純造型，當中有孖辮牛奶妹。
22歲少婦 look
穿上旗袍， DaDa亦有成熟韻味， 22歲變成高貴少婦。
轉做 sing模
積極備戰寫真， DaDa書展亦有另類搞作，就係幫 Cult片大導彭浩翔聲演一本在 iPad和 iPhone上推出嘅《愛的地下教育》有聲電子書。「嗰本電子書幾特別，今次有聲有色 o架！」而其經理人施念慈亦補充，話 DaDa聲線甜美，好啱做歌手，「嚟緊下半年，我會幫 DaDa出 app，咩類型仲傾緊，家就同佢練緊歌，好快佢會轉做 sing模，唱中慢板歌，試吓唔同類型發展。」分散投資，唔使剝唱吓歌，咁先襟撈。
為彭導聲演
寫真書展中， DaDa性感去盡，亦有幫彭浩翔本電子書《愛的地下教育》，用把聲講故事，學 DaDa話齋真係有色有聲喎！
做 sing模
今年 1月， DaDa曾喺公開活動首度開腔唱歌，經理人見佢聲底唔錯，遂為佢鋪路做 sing模，主打中慢板歌。
裸拍王宗堯
DaDa書展同 Jeana惡鬥，亦曾喺電影《喜愛夜蒲》中交手，二人分別同王宗堯和陳柏宇有大膽床戲，戲裏戲外鬥餐死。
書展出招
大陣仗
Jeana 擂台陣
面對 Jeana海陸空寫真擂台， DaDa就話除咗去尖沙咀和旺角商場搞簽名會，仲要扮大 黄蜂去書展踩場， Jeana無任歡迎，仲透露其擂台詳情：「呢幾日會下戰書畀出寫真嘅 models，邀請佢哋出席我（週日） 17日嘅擂台，到時佢哋着咩衫或帶咩武器嚟玩 games，我都會奉陪。」
照抄
李蘊 海陸空
「詳細未定，但都想以海陸空形式宣傳吓。」
悶局
傅穎 簽名會
「 20號和 23號都會喺書展搞簽名會。」
掂女神
Phoebe（許穎） 握手會
「會揀幾日做宣傳同啲 fans握吓手。」
突破
Donut& Fantasy 上船
「我哋 20和 23號會分別在書展， 30日就會上麗星郵輪搞簽名會。」
臨急出咪 Carol水着炸書展
降 cup出海
楊梓瑤（ Carol）月頭幫《 Bubble》影性感寫真相，大 show「 E奶」同事業線，性感程度當然唔及舊年嗰本寫真啦，不過可以睇到 Carol嘅水着 look，都應該可以慰藉宅男們心靈。
有份出寫真嘅 DaDa同 Jeana就鬥餐死，反而浸大咪神 Carol楊梓瑤去年玩完冰鎮血管咪後，今年就話要專注學業玩低調，唔出寫真，一於唔同班 o靚模鬥。
不過呢頭話唔出，嗰頭就同一本新月刊影咗 6輯水着相，仲要校啱 720出書，臨急出波，好趕喎！
23歲 Carol去年在峇里島拍寫真玩冰啜冰棒又半裸，反應唔錯。不過， Carol今年就話要封胸唔出寫真，專心學業，轉戰影壇，令唔少男粉絲失望。
反口任影
雖然唔出獨立寫真，不過 Carol眼見「後輩」個個當頭起，亦唔執輸， 7月頭急急走去幫一本新 o靚模月刊影水着相。
其實呢本月刊係香港第一本以 o靚模為主題嘅雜誌，內容大部分用靚相吸引粉絲，出版人兼攝影師 Ronald話：「呢本月刊我哋都諗咗成年先決定出，我哋希望用一啲比較特別嘅題材打入市場。」點解用 Carol做創刊號封面？「因為佢今年唔會出寫真，咁咪諗住幫佢影一輯靚相囉！而且佢人氣不嬲都高。當然我哋會以 o靚模為主，其他藝人、歌手或者模特兒我哋都會考慮，只要有人氣就得啦。」咁又係，話唔出寫真啫，又冇話唔可以私影。
冰鎮 Carol
「 E神」果然不同凡響，上圍稍為一谷，造出爆乳效果。不過曾經令男粉絲們流晒鼻血嘅啜冰相，今年就冇得睇啦！
全港第一本以 o靚模為主嘅寫真月刊《 Bubble》用 Carol做第一期封面，將於 720書展當日出版，擺明硬撼其他 o靚模。
再以水着見人， Carol拍攝當日（ 4日）就與公司同事狂影合照放上微博，話要霸晒個靚沙灘。
o靚模攝影師
林子賢（ Ronald），今年 33歲，從事攝影工作多年，亦曾為《 FACE》攝影師，拍下多個 o靚模靚相，家開咗自己 studio「 Popcorn Production」專門影 o靚模，有咗自己公司之後，佢話可以影乜就影乜，呢個係佢夢想。「攝影係我終生職業，一起身就想影相，所以咪開公司囉！」
去年， Ronald首次為 Carol影寫真， Carol嘅《 Huge》就大賣過 25,000，今次 Ronald出書， Carol亦抽空幫忙。
今年 Ronald成為 DaDa（陳靜）及其師妹 Monna（圖）和 Iris嘅寫真攝影師，樂做 o靚模御用攝影師。